በኢ.ፌ.ዴ.ሪ ፍትሕ ሚኒስቴር ድሬዳዋን ጨምሮ ከሁሉም ቅርንጫፍ ፅ/ቤቶች የተዉጣጡ የፍትሃብሔር ተጠሪ ዓቃቢያነ ሕግ የተሳተፉበትና ትኩረቱን በፍትሃብሔር ሥራዎች ላይ ያደረገ ሥልጠና ተሰጥቷል፡፡
የስልጠናዉ ዋና ዓላማም በፍትሃብሔር ጉዳዮች ላይ የሚሰሩ ዓቃቢያነ ሕግ በዘርፉ ያላቸዉን ዓቅም መገንባት መሆኑ የተገለፀ ሲሆን በሥልጠናዉ በዋናነት የፍትሃብሔር ሥነ-ሥርዓት ህጉ ላይ እና በተቋሙ የሚሰሩ ሌሎች የፍትሃብሔር ሥራዎች ማለትም የሕግ ምክር፣ ነፃ የህግ ድጋፍ አገልግሎት፣ ክስ ዝግጅት እና ችሎት ክርክር ብሎም ሌሎች የመንግሥት ተቋማትን በመወከል በሚሰሩ ፍትሃብሔራዊ ስራዎች ላይ ያሉ የአሠራር ስርዓቶች ተዳሰዉበታል፡፡
ስልጠናዉ በፍትሕ ሚኒስቴር የሚሰሩ ዐቃቢያነ ሕግን ዓቅም ለማጎልበት ታስቦ በክረምት ልዩ የስልጠና መርሐ ግብሮች ከተያዙ ስምንት ስልጠናዎች ዉስጥ ሰባተኛዉ ሲሆን በቀጣይም በልዩ ስልጠናዉ በተያዘው መርሃ ግብር መሰረት የመጨረሻ የሆነዉ ስልጠና እንደሚሰጥ ተጠቋሟል፡:
