የፍትሕ ሚኒስቴር ሥልጣን እና ተግባር

የወንጀል ፍትሕ ፖሊሲን ማዘጋጀት እና አፈጻጸሙን ማስተባበር፤
በፌዴራል ፍርድ ቤት ሥልጣን ሥር የሚወድቁ የወንጀል ጕዳዮችን ምርመራ የመምራት፣ ውሳኔ የመስጠት፣ የወንጀል ክስ በመመሥረት በፌዴራል ፍርድ ቤቶች ተገቢውን ክርክር በማድረግ አጥፊዎችን ተጠያቂ ማድረግ፤
በወንጀል የተገኘ ሀብትን መመርመር፣ ማሳገድ እና ማስወረስ፤

የፌዴራል መንግሥቱን እና ተቋማትን ፍትሓ ብሔራዊ ጥቅም፣ በሀገር ውስጥ እና በዓለም ዐቀፍ መድረክ በፍርድ ቤት እና ከፍርድ ቤት ውጭ ባሉ አማራጮች በማስከበር የሕዝብ እና የመንግሥት ጥቅምን ማስጠበቅ፤
የፌዴራል መንግሥት መሥሪያ ቤቶች እርስ በእርስ ያላቸውን የፍትሓ ብሔር አለመግባባት የሕዝብን እና የመንግሥትን ጥቅም በሚያስከብር አግባብ መፍታት፤

የፌዴራል መንግሥቱ ሕጎች ወጥነት ባለው አግባብ በትክክል መተግበራቸውን ማረጋገጥ፤
የፌዴራል መንግሥት ተቋማት የሚያወጧቸው መመሪያዎች አግባብ መሆናቸውን ማረጋገጥ እና ለሕዝብ ተደራሽ እንዲሆኑ ማስቻል፤

የፌዴራል መንግሥቱን በሕግ ጕዳዩች ላይ ማማከር፤
በፌዴራል መንግሥቱ የሚወጡ ሕጎችን የማርቀቅ እና የማረም ኀላፊነት መውሰድ፤

ለአቅመ ደካማ ዜጎች ነጻ የሕግ ድጋፍ መስጠት እና አገልግሎት አሰጣጡን ማስተባበር፤
የሰብአዊ መብት አከባበርን ማረጋገጥ እና ዓለም ዐቀፍ ሪፖርቶችን ማቅረብ፣ በኢትዮጵያ ላይ የሚቀርቡ ሰብአዊ መብትን ለሚመለከቱ ዓለም ዐቀፍ ክሶች ምላሽ መስጠት፤