የፍትሕ ሚኒስቴር እና ተጠሪ ተቋማት ሰራተኞች በሀገራዊ የምክክር ኮሚሽን የመንግስት ሰራተኞች የአጀንዳ ማሰባሰብ መድረክ የሚቀርቡ አጀንዳዎችን የማሰባሰብ እና የመለየት ውይይት አካሔዱ

የኢ.ፌ.ዴ.ሪ ፍትሕ ሚኒስቴር እና ተጠሪ ተቋማት ሠራተኞች ለሀገራዊ የምክክር ኮሚሽን የመንግሥት ሰራተኞች የአጀንዳ ማሰባሰብ መድረክ የሚቀርቡ አጀንዳዎችን የማሰባሰብ እና የመለየት ውይይት ግንቦት 12/2017 ዓ.ም አካሂደዋል፡፡

የኢትዮጵያ ሀገራዊ ምክክር ኮሚሽን በአዋጅ ቁጥር 1265/2014 ከተቋቋመ በኋላ በመላ ሀገሪቱ አጀንዳ የማሰባሰብ እና የመለየት ስራ እያከናወነ ይገኛል። በዚህም መሠረት ኮሚሽኑ አጀንዳ ከሚያሰባስብባቸው የሕብረተሰብ ክፍሎች መካከል የመንግሥት ሰራተኞች የሚገኙበት ከመሆኑ ጋር ተያይዞ በፌደራል የመንግሥት ተቋማት የአጀንዳ ማሰባሰብ እና ልየታ ስራ ተጀምሯል፡፡ በዚህም መነሻነት የፍትሕ ሚኒስቴርና ተጠሪ ተቋማት ሠራተኞች በዛሬው መድረክ የአጀንዳ ማሰባሰብና ልየታ አካሂደዋል፡፡ የውይይት መድረኩን የፍትሕ ሚኒስቴር ሚኒስትር ዲኤታ ክቡር አቶ በላይሁን ይርጋ በንግግር ከፍተዋል።

የሠራተኛ የውይይት መድረኩን የሚመሩ እና አጀንዳ የማሰባሰብ ስራውን የሚያስተባብሩ ሰብሳቢ እና ፀሀፊ በተሳታፊዎች በመምረጥ ሰፋ ያለ ውይይት በማካሄድ አጀንዳ የማሰባሰብና የመለየት ስራው ተከናውኗል። ከዚህ በተጨማሪም በዚሁ መድረክ የፍትሕ ሚኒስቴርን እና ተጠሪ ተቋማትን በቀጣይ በሚካሄደው የኮሚሽኑ አጠቃላይ የፌዴራል ተቋማት የመንግሥት ሰራተኞች የአጀንዳ ማሰባሰብ የምክክር መድረክ ላይ የሚወክሉ ሠራተኛ ተመርጠዋል።