ዳዊት ሰለሞን ወርቁ የተባለ ተከሳሽ በ6/2/2016 ዓ.ም ከቀኑ በግምት 5፡00 ሲሆን በንፋስ ስልክ ላፍቶ ክፍለ ከተማ ወረዳ 14 ማንጎ ጨፌ እየተባለ በሚጠራው ሰፈር 6 ወር የሆነውን ህፃን ልጁ ሟች ፍራኦል ዳዊት አሞት እያለቀሰ ሲያስቸግረው አንገቱን አንቆ በመያዝ ሕይወቱ እንዲያልፍ ካደረገ በኋላ አስከሬኑን በማዳበሪያ ውስጥ በመክተት ቆሻሻ መጣያ ቦታ በመጣሉ ምክንያት በአዲስ አበባ ፖሊስ ኮሚሽን ምርመራ ተጣርቶ በሴቶችና ህጻናት ላይ የሚፈፀሙ ወንጀሎች ዐቃቤ ሕግ ዳይሬክቶሬት በወ/ሕ/አ 540 መሠረት በፌዴራል ከፍተኛ ፍ/ቤት ልደታ ምድብ 2ኛ የሰው ግድያና ከባድ ውንብድና ወንጀል ችሎት ክስ ቀርቦበት ክርክር ሲደረግ ቆይቷል፡፡
በክርክሩ ሂደትም የዐቃቤ ሕግ ማስረጃ ከተሰማ በኋላ ተከሳሽ እንዲከላከል ብይን ተሰጥቶ ሁለት የመከላከያ ምስክሮች በማቅረብ ያሰማ ቢሆንም የቀረበበትን ክስ ሊከላከል ባለመቻሉ ፍ/ቤቱ በተከሳሽ ላይ የጥፋተኛነት ፍርድ በመስጠት ሰኔ 21 ቀን 2016 ዓ.ም በዋለው ችሎት ተከሳሽ በ11 ዓመት ፅኑ እስራት እንዲቀጣ ውሳኔ ተሰጥቷል፡፡
