በኢ.ፌ.ዲ.ሪ ፍትሕ ሚኒስቴር በ2016 ዓ.ም ዋና ዋና ሀገራዊ የማክሮ ኢኮኖሚ አፈፃፀምና የ2017 የትኩረት አቅጣጫዎች እንዲሁም በ2017 የበጀት ዓመት በትኩረት ሊተገበሩ የሚገባቸዉ ጉዳዮች ዙሪያ በዛሬዉ እለት ዉይይት ተካሂዷል፡፡
በዉይይቱ የኢ.ፌ.ዲ.ሪ ፍትሕ ሚኒስቴር ሚኒስትር ክቡር ዶ/ር ጌዲዮን ጢሞቲዎስን ጨምሮ ሚኒስትር ዲኤታዎች እና የተቋሙ መካከለኛ አመራሮች ተሳትፈዉበታል፡፡
በተለይም ከሀገራዊ የማክሮ ኢኮኖሚ ጋር በተያያዘ ሁሉም ተቋማት በቂ ግንዛቤ ኑሯቸዉ ስራቸዉን ቢተገብሩ በሚያደርጉት የስራ እንቅስቃሴ አጋዥ እንደሚሆንና እንደ ፍትሕ ሚኒስቴርም በተለይም ጉዳዩ የሚመለከታቸዉ የኢኮኖሚ ጉዳዮች ዳይሬክቶሬትና መሰል ዳይሬክቶሬቶች አገራዊ ማክሮ ኢኮኖሚ ግንዛቤ ለስራቸዉ አጋዥ እንደሚሆናቸዉ የፍትሕ ሚኒስትሩ ዶክተር ጌዲዮን ጢሞቲዎስ ተናግረዋል፡፡
ቀጥሎም ዋና ዋና ሀገራዊ የማክሮ ኢኮኖሚ አፈፃፀምና ያተኮረባቻው ስድስት ዋና ዋና ነጥቦች ማለትም ዓለማቀፋዊ የኢኮኖሚ አዝማሚያ እና ሀገራዊ አፈፃፀም፣ ዋና ዋና የኢኮኖሚ ዕድገት ምንጮች አፈፃፀምወ ፣ የመሰረተ ልማት እና የፕሮጀክቶች አፈፃፀም ፣ የማኅበራዊ ዘርፍ አፈፃፀም፣ የአሰተዳደር ዘርፎች አፈፃፀም እንዲሁም የቀጣይ የ2017 ዓ.ም በጀት ዓመት የትኩረት አቅጣጫዎች በፍትሕ ሚኒስቴር የተቋም ግንባታና የሪፎርም ዘርፍ ሚኒስትር ዲኤታ ክቡር ዶ/ር ኤርሚያስ የማነብርሃን በዝርዝር የቀርበ ሲሆን የዉይይቱ ተሳታፊዎችም አስተያየታቸዉንና ጥያቄዎችን ያነሱ ሲሆን በተቋሙ የበላይ አመራሮች ምላሽ ተሰጥቶባቸዉና የቀጣይ የስራ አቅጣጫዎች ተመላክተዉ ዉይይቱ ተጠናቋል፡፡
