ጌዲዮን ጢሞቲዎስ (ዶ/ር)

ዶ/ር ጌዲዮን ጢሞቴዎስ ከመስከረም 26 ቀን 2014 ዓ.ም እስከ ጥቅምት 8 ቀን 2017 ዓ.ም (From October 6, 2021, to October 18, 2024 G.C.) ድረስ የኢትዮጵያ ፍትሕ ሚኒስትር ሆነው አገልግለዋል። እርሳቸው በሕገ መንግሥት ሕግ፣ በሰብዓዊ መብቶች እና በሕግ ማሻሻያ ዘርፎች ሰፊ ልምድ ያላቸው እውቅ የሕግ ምሁርና ባለሙያ ናቸው።

ዶ/ር ጌዲዮን የፍትሕ ሚኒስትር ሆነው ከመሾማቸው በፊት የኢትዮጵያ ጠቅላይ ዐቃቤ ሕግ በመሆን ያገለገሉ ሲሆን፣ በዚህም ወቅት በሕግ ሥርዓቱ የማዘመን ጥረቶችና በፍትሕ ዘርፍ ማሻሻያዎች ላይ ቁልፍ ሚና ተጫውተዋል። እንዲሁም በሕግ አማካሪነት በመስራት የሕግ የበላይነትን ለማጠናከር በሚደረጉ የሕግ ማውጣት ማሻሻያዎችና የፖሊሲ ቀረጻ ሥራዎች ላይ አስተዋጽኦ አድርገዋል።

ዶ/ር ጌዲዮን በሕግ የዶክትሬት ዲግሪ (ፒኤችዲ) ያላቸው ሲሆን፣ በሕገ መንግሥት እና በዓለም አቀፍ ሕግ ዘርፎች ጠንካራ የትምህርት ዳራ አላቸው። በአገልግሎት ዘመናቸው የዳኝነት ነጻነትን ማስፈን፣ የፍትሕ ተደራሽነትን ማረጋገጥ እንዲሁም የኢትዮጵያን የሕግ ማዕቀፍ ከዓለም አቀፍ መመዘኛዎች ጋር ለማጣጣም የሚደረጉ የሕግ ማውጣት ሥራዎችን በበላይነት በመምራት ላይ ትኩረት አድርገው ሰርተዋል።

በእርሳቸው የአገልግሎት ዘመን ፍትሕ ሚኒስቴር በሽግግር ፍትሕ፣ በሰብዓዊ መብቶች ጥበቃ እና በተቋማዊ ማሻሻያዎች ዙሪያ የሚደረጉ ሥራዎችን በንቃት መርቷል።