በአስቸኳይ ጊዜ ደንብና መመሪያዎች መሰረት ከትራንስፖርት ጋር በተያያዘ የተለያዩ ክልከላዎችና ግዴታዎች የተጣሉ ሲሆን እነዚህ ክልከላዎችና ግዴታዎች በተጣሱ ጊዜ በአስቸኳይ ጊዜ አዋጁ አንቀፅ 6 መሰረት የወንጀል ተጠያቂነትን የሚያስከትሉ ቢሆንም እነዚህን ክልከላዎችና ግዴታዎች የተላለፉ ሁሉንም ሰዎች በወንጀል ተጠያቂ ማድረግ በፍትህ ስርአቱ ላይ ጫና የሚያሣድር በመሆኑ አስተዳደራዊ ቅጣት መደንገግ አስፈላጊ ሆኖ በመገኘቱ፤
በመንገድ ትራንስፖርት መቆጣጠሪያ ደንብ 208/2003 እና ደንብ (ማሻሻያ)ቁጥር 305/2009 ላይ የትራፊክ ደንብ በተጣሰ ጊዜ የሚያስከትለው አስተዳደራዊ ሀላፊነት የተመለከተ ሲሆን እነዚህ ሀላፊነቶች በአስቸኳይ ጊዜ ደንብና መመሪያዎች ላይ የተከለከሉ ተግባራትንና የተጣሉ ግዴታዎችን ሙሉ ለሙሉ የማይሸፍን ከመሆኑም በተጨማሪ ቅጣቶቹም ቢሆን አስተማሪ ባለመሆናቸው ይህንን ደንብ ለተወሰነ ጊዜ በማገድ ከተመለከቱ ክልከላዎችና ከተጣሉ ግዴታዎች ጋር ተመጣጣኝ የሆነ አስተዳደራዊ ቅጣት መደንገግ አስፈላጊ ሆኖ በመገኘቱ፤
የሚኒስትሮች ምክር ቤት በአስቸኳይ ጊዜ አዋጅ ቁጥር 3/2012አንቀጽ 4 መሰረት ይህን ደንብ አውጥቷል።
•
•
•
•
•
•
•
•
•
