ኮርፖሬሽኑ የገቢ አቅሙ የተጠናከረ ሆኖ ተልዕኮውን በተሻለ ሁኔታ በመወጣት በሀገሪቱ ሁለንተናዊ እድገት እና የዲሞክራሲያዊ ሥርዓት ግንባታ ሂደት የሚጠበቅበትን አዎንታዊ ሚና መጫወት እንዲችል ማድረግ አስፈላጊ በመሆኑ፤
የኮርፖሬሽኑ ሥልጣንና ተግባር ከተለያዩ ሁለት አዋጆች መመንጨቱ የአሠራር ክፍተት በመፍጠሩ በአንድ አዋጅ ሥር ማጠቃለሉ ተገቢ መሆኑ እንዲሁም የኮርፖሬሽኑ ሥራ አመራር
ቦርድ ተቋሙን በተሻለ ሁኔታ የሚደግፍበትን ሥርዓት ማስቀመጥ አስፈላጊ መሆኑንና የኮርፖሬሽኑን ዓላማ፣ ሥልጣን እና ተግባራት በግልጽ ማስቀመጥ አስፈላጊ በመሆኑ፤
የቴሌቪዥን አገልግሎት ክፍያን በማሻሻል እና በዘመናዊ አሠራር እንዲደገፍ በማድረግ ህብረተሰቡ ግዴታውን በቀላሉ እንዲወጣ የሚያስችል ሥርዓት እንዲፈጠር እንዲሁም
ግዴታቸውን የማይወጡ የቴሌቪዥን ባለቤቶች ላይ የሕግ ተጠያቂነትን መደንገግ አስፈላጊ በመሆኑ፤
በኢትዮጵያ ፌደራላዊ ዲሞክራሲያዊ ሪፐብሊክ ሕገ መንግሥት አንቀጽ 55 ንዑስ-አንቀጽ (1) መሠረት የሚከተለው ታውጇል፡፡
•
•
•
•
•
