ዓለም ዓቀፍ ስደተኛ የዱር እንስሳት ዝርያዎች ለመጠበቅ እ.ኤ.አ. ጁን 23 ቀን 1979 በጀርመን አገር በቦን ከተማ ተፈርሞ ከኖቬምበር 1 ቀን 1983 ጀምሮ በሥራ ላይ የዋለ በመሆኑ፤
ስምምነቱም ስደተኛ የሆኑ የዱር እንስሳት ዝርያዎችን በአባል አገራት ትብብር ለመጠበቅ ከፍተኛ አስተዋፅኦ የሚኖረው በመሆኑ፤
ኢትዮጵያ ስምምነቱን መቀበሏ ለዱር እንስሳት ልማት፣ ጥበቃና አጠቃቀም ጠቃሚ መሆኑ ስለታመነበት፤
በዚህም የስምምነት አንቀፅ 17 እ.ኤ.አ. ከጁን 22 ቀን 1980 በኋላ አባል ለመሆን ፈቃደኛ የሆኑ አገራት ስምምነቱን በማፅደቅ አባል ለመሆን ስለሚችሉ፤
ይህንኑ ስምምነት የኢትዮጵያ ፌዴራላዊ ዲሞክራሲያዊ ሪፐብሊክ የሕዝብ ተወካዮች ምክር ቤት ግንቦት 27 ቀን 2001 ዓ.ም ባደረገው ስብሰባ ያጸደቀው በመሆኑ፤
በኢትዮጵያ ፌዴራላዊ ዲሞክራሲያዊ ሕገ-መንግሥት አንቀጽ 55 ንዑስ አንቀፅ (1) እና (12) መሠረት የሚከተለው ታውጇል፡፡
•
