ሀገሪቱ ያላትን ወደር የሌለው የዱር እንስሳት ሃብት በመጠበቅና በማልማት ዘለቄታዊ ጥቅም እንዲሰጥ ማድረግ አስፈላጊ በመሆኑ፤
በዱር እንስሳት ልማትና ጥበቃ ዙሪያ እየተደረገ ያለውን ጥረት ውጤታማነት ለማሳደግ በጥናትና ምርምር መደገፍ አስፈላጊ ሆኖ በመገኘቱ፤
የአገሪቱን የዱር እንስሳት ሀብትን ሳይንሳዊ በሆነ መንገድ በመጠበቅ፣ በመንከባከብና በማልማት በአግባቡ ጥቅም ላይ እንዲውል ማድረግ ተገቢ ሆኖ በመገኘቱ፤
የዱር እንስሳት ጥበቃ፣ ልማትና አጠቃቀምን በሚመለከት ሀገሪቱ በዓለም ዓቀፍ ስምምነቶች መሠረት የገባችውን ግዴታዎች በተቀናጀና ሳይንሳዊ በሆነ መንገድ ለመፈጸም ምቹ ሁኔታዎችን መፍጠር አስፈላጊ በመሆኑ፤
የዱር እንስሳት ጥናትና ምርምር በተጠና ስርዓትና ግልፅነት ባለው አሠራር በማከናወን የአገሪቷን መብትና ጥቅም በሚያስጠብቅ መልክ ማካሄድ ስለሚገባ፤
የባህልና ቱሪዝም ሚኒስቴር በአዋጅ ቁጥር 541/199 አንቀጽ 17/2 እና በደንብ ቁጥር163/2001 አንቀጽ 8 በተደነገገው መሠረት ይህን መመሪያ አውጥቷል፡፡
