የፍትህ ሚኒስቴር የፍትህ ዘርፍ የ2017 በጀት አመት እቅድን አስመልክቶ በከተማ መስተዳደሮች እና ከክልል ፍትህ ቢሮዎች ጋር በጋራ ውይይት አድርጓል

የፍትሕ ዘርፍ የ2017 በጀት ዓመት መሪ ዕቅድን አስመልክቶ የሕግና ፍትሕ ማሻሻያ ስራዎች ፣የፍትሕ አገልግሎት አሰጣጥ ተደራሽነት ፣የወንጀል ስጋትን መቀነስ እና የወንጀል ፍትሕ አገልግሎት ውጤታማነት በሚሉ ይዘቶች በፍትሕ ሚኒስቴር የስትራቴጂክ ጉዳዮች ዳይሬክቶሬት ዳይሬክተር በአቶ ደሳለኝ መንግስቴ በኩል ቀርቦ በቀረበው መሪ ዕቅድ ላይ ሰፊ ውይይት ተደርጎበታል።

እንዲሁም በተሳታፊዎች በኩል ግልፅ ያልሆኑ እና ምላሽ የሚፈልጉ ጉዳዮችን አስመልክቶ በተነሱት ጉዳዮች ላይ በኢ.ፌ.ዴ.ሪ ፍትሕ ሚኒስቴር የተቋም ግንባታና ሪፎርም ዘርፍ ሚኒስቴር ክቡር ኤርሚስ የማነብርሃን (ዶክተር) እና በአቶ ደሳለኝ በኩል ምላሽና ማብራሪያ ተሰቷል፡፡

በዚህም በተነሱ ጉዳዮች ላይ የጋራ መግባባት ተደርሶበት የተገኙ አመራሮችና ባለሙያዎች የነበረው ውይይትና ማብራሪያ የነበረባቸውን ክፍተቶች የሞላና ለቀጣይ የተሻሉ ስራዎችን ለመሥራት አጋዥ እንደሆነ ተናግረዋል።