የኢ.ፌ.ዲ.ሪ ፍትሕ ሚኒስቴር አዲስ ለተቋቋመው የተገልጋዮች አገልግሎት ዳይሬክቶሬት ዕጩ አቃብያነ ሕግን በዘርፉ በማሰልጠን ዋናው መስሪያ ቤትን ጨምሮ በቦሌ፣ለሚ ኩራ፣ አራዳ፣ ልደታ እና ንፋስ ስልክ ቅርንጫፎቹ ላይ አገልግሎት መስጠት ጀምሯል፡፡
የፍትሕ ሚኒስቴር የአገልግሎት አሰጣጡን ማሻሻል ላይ ትኩረት በማድረግ የተለያዩ ተግባራትን ሲያከናውን የቆየ ሲሆን፣ የተለመውን ርዕይ ለማሳካት እና የተቋቋመበትን ተልዕኮ በአግባቡ ለመወጣት ይቻለው ዘንድ በአዲሱ አምስት አመት ስትራቴጂክ ዘመን ያሉበትን የፍትሕ አገልግሎት ውሱንነቶችን ለመፍታት አዲስ አደረጃጀት በመዘርጋት የተገልጋዮች አገልግሎት ዳይሬክቶሬት የሥራ ክፍልን በማቋቋም ተቋሙ የሚሰጣቸውን የፍትሕ አገልግሎቶች በተሻለ ሁኔታ ለመስጠት ዕጩ ዐቃቤያነ ሕግን አሰልጥኖ ወደ ሥራ ገብቷል፡፡
የሥራ ክፍሉ በዋናነት በተገልጋዮች አያያዝ ላይ የተመሰረተ በመሆኑ ለተገልጋዮች አገልግሎት (Customer Service) መሰረታዊ መርሆዎች ከፍተኛ ትኩረት በመስጠት አገልግሎቱን የሚሰጡ ዐቃብያነ ሕግ የአገልግሎት ሰጪው ሚና፣ የሚጠበቁ ሥነ-ምግባራዊ ባህሪያት፣ ሊቀረፉ የሚገቡ የተለመዱ ሥህተቶች እና የተግባቦት ክህሎቶችን በተመለከተ እንዲሁም የተቋሙን አጠቃላይ የኦንላይን አሰራር ሥርዓት፣ የዳይሬክቶሬቱን የሥራ መመሪያ እና አጠቃላይ የሥራ ፍሰቱን የተመለከቱ የተግባር ስልጠናዎችን መስጠት ተችሏል።
አገልግሎት አሠጣጡ በፍትሕ ሚኒስቴር እና በተገልጋዩ መካከል ያለውን ግንኙነት ይበልጥ ግልጽ እና ተደራሽ የሚያደርገው ከመሆኑ በላይ፣ በዐቃቤ ሕግ እና በቴክኖሎጂ የታገዘ በመሆኑ በተቋሙ ስትራቴጂካዊ ዕቅድ ላይ በዘርፉ የተቀመጡ ግቦች እንዲሳኩና የሕዝብ አመኔታ የተጣለበት የፍትሕ ሥርዓት በመገንባት ሂደት ውስጥ የተማከለ እና ዲጂታል የፍትሕ አገልግሎት አሠጣጥን እውን ለማድረግ በተቋሙ እየተወሰዱ ያሉ እርምጃዎችን ውጤታማ ለማድረግ የራሱ ድርሻ እንዳለው ይታመናል፡፡
በመሆኑም አገልግሎቱን ለማግኘት ከዚህ በታች የተገለፁትን አማራጮች መጠቀም የምትችሉ መሆኑን ለማሳወቅ እንወዳለን፡፡
የተገልጋዮች አገልግሎት (Customer Service) ኢ-ሜል አድራሻ:- [email protected]
በነፃ የስልክ ጥሪ (Hotline )- 8797
አገልግሎቱን በቅርንጫፎች ለማግኘት፡-
ዋናው መስሪያ ቤት፡-0115151771
ቦሌ፡-0116687843
ለሚ ኩራ፡-0116702689
አራዳ፡-0111281150
