በኢ.ፌ.ዴ.ሪ. ፍትሕ ሚኒስቴር የንቃተ ህግ፣ትምህርት እና ሥልጠና ዳይሬክቶሬት አዘጋጅነት ስልታዊ መሪነት፤ ስትራቴጂክ ዕቅድ እና የለዉጥ አመራር ላይ ያተኮረ የአቅም ግንባታ ሥልጠና ከክልሎች እና ሁለቱ ከተማ አስተዳደር ፍትሕ ቢሮዎች ለተዉጣጡ መካከለኛ አመራሮች ለሁለት ቀናት የቆየ ሥልጠና ተሰጥቷል፡፡
የፍትሕ ሚኒስቴር ባደረገዉ የቅድመ ዳሰሳ ጥናት በርዕሰ ጉዳዮቹ ዙሪያ የተለያዩ ክፍተቶች በመለየታቸዉ መሰል የአቅም ግንባታ ሥልጠናዎችን በየደረጃው ላሉ የተቋሙ እንዲሁም የክልል አመራሮች መስጠቱ አስፈላጊ ሆኖ መገኘቱ ተገልጿል፡፡
ሥልጠናው በዚህ ደረጃ መስጠቱ የተጠናከረ የፍትሕ ሥርዓት እንዲኖር ለማስቻል ጠቀሜታዉ የጎላ በመሆኑና አመራሩን ማብቃት ለተቋም ግንባታ ቁልፍ ሚና የሚጫወት በመሆኑ ፍትሕ ሚኒስቴር የሰዉ ሀይል አቅም ግንባታ ላይ ትኩረት ሰጥቶ እየሠራ እንደሚገኝ በመድረኩ ተመላክቷል፡፡
