ከክልል መንግስታትና ከተማ አስተዳደር ግብር ከፋዮች የሚሰበሰበው የተጨማሪ እሴት ታክስ የክልልና የከተማ አስተዳደሮች ገቢ በመሆኑ በወጪ አሸፋፈናቸው ላይ ተጽእኖ በማያስከትል ሁኔታ በወቅቱ መተላለፍ ስለሚኖርበት፣
በገቢ ግብር አዋጅ ቁጥር 286/1994 አንቀጽ 52 እና አንቀጽ 53 አማካይነት በሥራ ላይ እንዲውል የተደረገው ከተከፋይ ሂሣቦች ላይ በቅድሚያ ተቀናሽ የሚደረገው የቅድመ-ታክስ ክፍያ ገቢ ባለቤት ለሆኑት ገቢ ሰብሳቢ አካላት የሚተላለፍበትን ሥርዓት በወጥነት መዘርጋት በማስፈለጉ፣
የፌዴሬሽን ምክር ቤት የፌዴራል መንግሥትና የክልል መንግሥታት የጋራ ገቢዎች ስለሚከፋፈሉበት ቀመር ላስተላለፈው መመሪያ ተግባራዊነት ከገንዘብና ኢኮኖሚ ልማት ሚኒስቴር ለኢትዮጵያ ገቢዎችና ጉምሩክ ባለሥልጣን የተሰጠውን ውክልና ተፈፃሚ በማድረግ የክልል መንግሥታትና የከተማ አስተዳደሮች ከጋራ ገቢ ድርሻቸውን በወቅቱ እንዲያገኙ ለማስቻል፣
የኢትዮጵያ ገቢዎችና ጉምሩክ ባለሥልጣን በየሚኒስትሮች ምክር ቤት የገቢ ግብር ደንብ ቁጥር 78/1994 አንቀጽ 27 እና የተጨማሪ እሴት ታክስ ደንብ ቁጥር 79/1995 አንቀጽ 39 በተሰጠው ሥልጣን መሠረት ይህን የአፈፃፀም መመሪያ አውጥቷል፡፡
