በአዋጅ ቁጥር 4597 አንቀጽ 7 /2 / ኸ/ መሠረት ባለሥልጣኑ መ ቤት በአውራ ጎዳናዎች ላይ የመንገድ ትራንስፖርት አዋጆች ፤ ደንቦችና መመሪያዎች መከበራቸውን የመከታተል ሥልጣን በተሰጠው መሠረት የተሸከርካሪ ማስቆሚያ ታፔላዎች በሠሌዳና ምልክቶች ምርትና ስርጭት ዳይክቶሬት እየተመረተ ለትራንስፖርት መ/ቤት፤ ለክልል ትራንስፖርት ቢሮዎችና ለትራንስፖርት ቅርንጫፍ መ/ቤቶች ሲሰራጭ እንደነበር ይታወቃል፡፡
ይሁንና ከዚህ በፊት የተመረተው የተሽከርካሪ ማስቆሚያ ታፔላ በሕጋዊና በሕወጥ መንገድ በተለያዩ ግለሰቦች እጅ በመግባቱ ለሕገወጥ ስራ እየተጠቀሙበት ስለሆነ ይህን ለመለየትና ለማሰባሰብ አስቸጋሪ ስለሚያድገው ከዚህ በፊት የነበረው አገልግሎት ላይ እንዳይውል ማስወገዱ አስፈላጊ ሆኖ ተገኝቷል፡፡
በዚህ መሠረት እስከ አሁን ሥራ ላይ የነበረው የተሸከርካሪ ማስቆሚያ ታፔላ መደቡ ነጭ ክቡ ቀይ የሆነውን በመቀየር እንደ አደረጃጀቱ ዓይነት በተለያዩ የቀለም ህብር በመተካት አመራረቱና ስርጭቱ እንዲሁም አጠቃቀሙን በመመሪያ ሥርዓት ማስያዙ አስፈላጊ ሆኖ በመገኘቱ ይህ የአፈጻጸም መመሪያ ተዘጋጅቷል፡፡
