የኮሮና ቫይረስ በዓለም ዓቀፍናበሀገር ደረጃ እየተሰራጨ ያለ በሽታ ከመሆኑ አንፃር ህብረተሰቡ ላይ የበለጠ አደጋ ከማድረሱ በፊት አስቀድሞ መከላከል አስፈለጊ ሆኖ በመገኘቱ፤
ለኮረና ቫይረስ የሚውል ግበዓት ለማስመጣት የሚፈልግ አካል ቁጥጥር የተቀላጠፈ እንዲሆንና ህብረተሰቡ በቀላሉ ምርቶቹን በገበያ ላይ እንዲያገኝ ለማድረግ በመግቢያና መውጫ ኬላዎች የሚደረግን የቁጥጥር ሂደት ቀልጣፋ ማድረግ አስፈላጊ ሆኖ በመገኘቱ፤
የኮሮና ቫይረስ ለራስ መከላከያና ሌሎች ቫይረሱን ለመቆጣጠር የሚያስፈልጉ ግብዓቶች ወደ ሀገር ውስጥ የማስመጣት ተግባር ሕግን በአከበረ ሁኔታ የአሠራር ሥርዓትን ተከትሎ እንዲከናወን ማድረግ ተገቢ በመሆኑ፤
የኢትዮጵያ የምግብና መድኃኒት ባለሥልጣንለኮሮና ቫይረስ የሚውሉ ግበዓቶች ጥራት፣ ደኅንነትና ፈዋሽነት በማረጋገጥ ረገድ የተሰጠውን ተግባርና ኃላፊነት በአግባቡ ለመወጣት በአዋጅ ቁጥር 1112/2011 አንቀጽ 71(2) መሠረት ይህን ጊዜያዊ የአሠራር መመርያ አውጥቷል፡፡
