የቴሌኮሙኒኬሽን ቁጥሮች ውጤታማ ምደባ፣ አጠቃቀም እና አስተዳደር የሚያስፈልጋቸው ውስን ሀብቶች በመሆናቸው፤

የቴሌኮሙኒኬሽን ቁጥሮች በቅልጥፍና፣ በፍጥነት፣ በግልጸኝነትና በፍትሃዊነት እንዲሁም የደንበኛውን ደረጃ፣ የባለፈቃዱን ዓይነት እና የኮሙኒኬሽን ቴክኖሎጂን መሠረት ያደረገ አድልዎ በሌለበት ሁኔታ መመደባቸውን የሚያረጋግጥ አዳዲስ የቴሌኮሙኒኬሽን ምርቶች እና አገልግሎቶችን ለደንበኞች ተደራሽ ለማድረግ እጅግ አስፈላጊ በመሆኑ፤

ለብሔራዊ የቴሌኮሙኒኬሽን ቁጥር ዕቅድ ዝግጅት እና ማሻሻያ አስተዳደራዊ አሰራሮችን ማቋቋም የቴሌኮሙኒኬሽን ቁጥሮችን እጥረት ለመተንበይ እና በወቅቱ ለማስወገድ ከፍተኛ አስተዋጽኦ ያለው በመሆኑ፤

የቴሌኮሙኒኬሽን ቁጥሮች አጠቃቀም የደንበኞችን ፍላጎት እና መብት እንዳይገድብ መከታተልና መቆጣጠር ተገቢ ሆኖ በመገኘቱ፤

የኢትዮጵያ ኮሙኒኬሽን ባለሥልጣን ይህንን የቴሌኮሙኒኬሽን የቁጥር መመሪያ በኮሙኒኬሽን አገልግሎት አዋጅ ቁጥር 1148/2011 አንቀጽ 6(11) ፣ 27፣ 28 እና 29 መሠረት አውጥቷል፡፡