በቴሌኮመኒኬሽን አገልግሎት አሰጣጥ እና አጠቃቀም ላይ የተለያዩ ቅሬታዎች ሊነሱ ይችላሉ። እነዚህ ቅሬታዎች በቴሌኮም አገልግሎት ሰጪዎች እና በአገልግሎት ተቀባዮች እንዲሁም በቴሌኮም አገልግሎት ሰጪዎች መካከል ሊሆን ይችላል። እነዚህን ቅሪታዎች በባህሪያቸው ቴክኒካል እና ውስበስብ ሲሆኑ መደበኛ ፍርድ ቤት ጉዳዩን አይቶ ለመወሰን አስቸጋሪ ሊሆንበት ይችላል። በዚህም ምክንያት እነዚህን እና መሰል አለመግባባቶች ለመፍታት አንድ አንድ ሃገራት ጉዳዩን የሚመለከቱ ልዩ ችሎቶችን የሚመሰርቱ ሲሆን ሌሎች ሃገራት ደግሞ ይህን ሥልጣን ለቴሌኮም እና ኢንተርኔት ተቆጣጣሪ አካል ሲሰጡት ይስተዋላል። ይህ አካሄድ በአንደ በኩል ፈጣን እና እውቀት መር ውሳኔን መውሰን የሚያስቸል ሲሆን በሌላ በኩል ደግሞ የተከራካሪ አካላት እንግልትን ያስቀራል።

በዚህም መሠረት በኮሚኒኬሽን አገልግሎት አዋጅ ቁጥር 1148/2011 አንቀጽ 6(15) ላይ የኢትዮጵያ ኮሙኒኬሽን ባለሥልጣን በኮሙኒኬሽን አገልግሎት አፕሬተሮች እና በተጠቃሚዎች እንዲሁም በኮመኒኬሽን አገልግሎት ኦፕሬተሮች መካከል የሚነሱ አለመግባባቶችን የማየት፥ የመመርመር እንዲሁም ለአለመግባባቶች ውሳኔ የመስጠት ሥልጣን ተሰጥቷታል።

እነዚህ የተሰጡትን ተግባር እና ኃላፊነት ለመወጣት አስቻይ የሆኑ ሁኔታዎች መፈጠር ያለባቸው ሲሆን ከእነዚህም ውስጥ አንዱ የሕግ ማዕቀፎች ቀርጿ ወደ ተግባር መግባት ነው። ይህንን ሕሳቤ በመያዝ ይህ መመሪያ የተዘጋጀ ሲሆን በዘርፉ ውጤታማ ስራን መሥራት ያስችላል ተብሎ ይታመናል።