በቆዳና ቆዳ ውጤቶች ዘርፍ የተሠማሩ ኢንዱስትሪዎች ለውጭ ገበያ የሚያቀርቡት ምርት ደረጃ ተሻሽሎ አገሪቱ ከዘርፉ የምታገኘው የውጭ ምንዛሪ ከፍ እንዲል ለማድረግ ለውጭ ገበያ በሚቀርብ በከፊል የተዘጋጀ ቆዳና ሌጦ ላይ ታክስ የተጣለ በመሆኑ፣
የታክሱ መጣኔ አነስተኛ በመሆኑ ምክንያት ከፍተኛ መጠን ያለው ቆዳና ሌጦ በከፊል በተዘጋጀ (በክረስት) ደረጃ ለውጭ ገበያ የሚላክ ሲሆን፣ ይህ ሁኔታ በአገር ውስጥ የጥሬ ቆዳና ሌጦ አቅርቦት እጥረት እንዲኖር ያስከተለውን የዋጋ ያለመረጋጋት ማስወገድ አስፈላጊ ሆኖ በመገኘቱ፣
እሴትን ከመጨመር እና የሥራ ዕድልን ከመፍጠር አኳያ የጎላ አስተዋፅዖ የሚኖረውን የቆዳ ውጤቶች ኢንዱስትሪ ልማት ለማስፋፋት ኢንቬስትመንት ለመሳብ የሚያስችልና አስተማማኝ ያለቀለት ቆዳ አቅርቦት መፍጠር በማስፈለጉ፣ በክረስት ደረጃ ለውጭ ገበያ እየቀረበ ያለው ቆዳና ሌጦ ተገቢውን ዋጋ እያገኘ ባለመሆኑ የእሴት ጭማሪ በሚያስገኙ የምርት ሂደቶች ውስጥ እንዲያልፍ በማድረግ ባለቀለት ቆዳ ወይም በቆዳ ውጤቶች መልክ ለውጭ ገበያ በማቅረብ አገሪቱ ከንዑስ ዘርፉ የምታገኘው የውጭ ምንዛሪ እንዲጨምር ማድረግ ተገቢ በመሆኑ፣ ከዚህ የሚከተለው መመሪያ ወጥቷል፡፡
