በከተማ መሬት ይዞታ ምዝገባ አዋጅ ተጥር 813/2006 አንቀጽ 23 ንዑስ አንቀጽ 3 እና አዋጁን ተከትሎ በወጡ የከተማ ካዳስተር ቅየሳ ደንብ ቁጥር 323/2006 አንቀጽ 22 በተደነገገው መሠረት ለካላስተር ሥራ የሚውሉ የቅየሳ መቆጣጠሪያ ነጥቦች የደኅንነት ጥበቃ በማድረግ በዘላቂነት ማገልገል እንዲችሉ እና በተለያዩ አደጋዎች የቅየሳ መቆጣጠሪያ ነጥቦች ሲበላሹ በምትኩ ሌላ መተካት እንዲቻል እና ጉዳት ያደረሰው አካል ላይ የሚገባውን አስተዳደራዊ እርምጃ ለመወሰን በማስፈለጉ፣
የከተማ ካዳስተር ቅየሳ ሥራ ጥራቱን የጠበቀ እንዲሆን እና በስታንዳርዱ መሠረት እንዲፈፀም የቅየሳ መቆጣጠሪያ ነጥቦችም ሆኑ የመሬት ይዞታ ወሰን ምልክት በሚመለከታቸው አካላት እና በባለይዞታው ጥበቃ እንዲደረግ የኢትዮጵያ ፌዴራላዊ ዲሞክራሲያዊ ሪፐብሊክ የከተማ ልማትና ቤቶች ሚኒስቴር ይህን መመሪያ አውጥቷል፡፡
