የጨው አቀነባባሪ ፋብሪካዎች ጥሬ ጨው በሚመረትበት አካባቢ ብቻ እንዲሠሩ መደረጉ የንግድ ውድድርን የሚገድብ ሆኖ በመገኘቱ፤
ለናፍታሊን ግዢ የሚያስፈልገው የውጭ ምንዛሪ የጨው አቀነባባሪ ፋብሪካዎችን ለከፍተኛ ወጪ የሚዳርግና በግብይቱ ላይ ችግር የሚፈጥር ሆኖ በመገኘቱ፤
በጨው ግብይት ውስጥ ተሳታፊ የሆኑ ነጋዴዎች ምርቱን አላግባብ በማከማቸት በገበያ ውስጥ ሰው ሰራሽ እጥረት እንዳይፈጥሩ መከላከል በማስፈለጉ፤
እነዚህን ዓላማዎች ለማስፈጸም ይቻል ዘንድ በሥራ ላይ ያለውን የጨው ግብይት መመሪያ ቁጥር 962/2015 ለማሻሻል የንግድና ቀጣናዊ ትስስር ሚኒስቴር በአስፈጻሚ አካላት ሥልጣንና ተግባር መወሰኛ አዋጅ ቁጥር 1263/2014 አንቀጽ22 (1) (ለ) እና19(4) መሠረት ይህን መመሪያ አውጥቷል፡፡
