ለመንግሥት የልማት ድርጅቶች ሚኒስቴር በቀጥታ ተጠሪ የሆኑ የልማት ድርጅቶች እና አክሲዮን ማህበራት በተለያዩ የፕራይቬታይዜሽን ስልቶች በዋናነት በሽያጭ ወደ ግል ባለሀብቶች በማዛወር ውጤታማ ሥራ እያከናወነ እንደሆነ ይታወቃል፡፡ ካለንበት ተጨባጭ ሁኔታ ጋር የሚሄድ ወጥ የሆነ የመንግሥትን መብትና ጥቅም ለማስከበር የሚያስችል በግልጽነትና በተጠያቅነት መንፈስ የሽያጩን ሂደት ለማስኬድ የሽያጭ አፈፃፀም መመሪያ ማውጣት አስፈላጊ ሆኖ በመገኘቱ፤
የመንግሥት የልማት ድርጅቶች ሚንስቴር በጨረታ ሽያጭ አወዳድሮ ወደ ግል ይዞታ ለሚያዛውራቸው የመንግሥት የልማት ድርጅቶች/ ከሲዮን ማህበራት የሚቀርቡትን ጨረታዎችና የመወዳደሪያ ሃሣቦች/ፕሮፖዛሎች/ መርምሮ የውሣኔ ሃሣብ የሚያቀርብ አንድ የሽያጭ ውድድር ገምጋሚ ኮሚቴ ማቋቋም አስፈላጊ ሆኖ በመገኘቱ፤
ኮሚቴው ተግባሩን እና ኃላፊነቱን በግልጽነት፤ በፍትሓዊነት እና በተጠያቂነት መንፈስ ለማካሄድ የሚያስችል አሠራር በመመሪያ መወሰን አስፈላጊ ሆኖ በመገኘቱ፤
የመንግሥት ልማት ድርጅቶች ሚኒስቴር በኢትዮጵያ ፌዴራላዊ ዴሞክራሲያዊ ሪፐብሊክ የአስፈፃሚ አካላትን ሥልጣንና ተግባር ለመወሰን በወጣው አዋጅ ቁጥር 916 /2008 አንቀጽ 31 (ለ)(9) በተሰጠው ሥልጣን መሠረት ይህንን መመሪያ አውጥቷል፡፡
