የመንግሥት የልማት ድርጅቶች የተቋቋሙበት ዓላማ እንዲሳካ ለማድረግ ስጋቶችን በመለየት፣ በመተንተን፣ በመመዘንና በቅደም ተከተል በማስቀመጥ አመራር እንዲያገኙ በማድረግ የድርጅቶቹን ዕሴት መጠበቅና ማሳደግ፤ ሥጋቶችን ከመፈጠራቸው አስቀድሞ ለመከላከል ወይም ከተከሰቱም የሚያስከትሉትን ተጽዕኖ ለመቀነስ በየደረጃ ያሉ የሚመለከታቸው አካላት ኃላፊነታቸውን በሚገባ አውቀው እንዲወጡ ማስቻል በማስፈለጉ፤
የመንግሥት የልማት ድርጅቶች በኢኮኖሚ ውስጥ ተገቢውን ድርሻ _ እንዳይወጡና የተቋቋሙበትን ዓላማ እንዳይሳካ ሊያደርጉ የሚችሉ ስጋቶችን ለማስተዳደር ወጥ የሆነ የአሠራር ስርዓት መዘርጋት በማስፈለጉ፤
የመንግሥት የልማት ድርጅቶች ይዞታና አስተዳደር ኤጀንሲ የሚኒስትሮች ምክር ቤት የኤጀንሲውን ሥልጣንና ተግባር ለመወስን ባወጣው ደንብ ቁጥር 445/2011 አንቀጽ (5) ንዑስ አንቀጽ (3) መሠረት ይህንን መመሪያ አውጥቷል፡፡
