የአዲስ አበባ ውሃና ፍሳሽ ባለሥልጣን የንብረት አወጋገድ ስርዓት ይበልጥ ግልፅና ቀልጣፋ፣ ፍትሃዊና አድሎ የሌለበት እንዲሁም ንብረቶችን ኢኮኖሚያዊ ጠቀሜታ በሚያስገኝ በተገቢ ተመጣጣኝ ዋጋ በተገቢው ጊዜና በተፈለገው ጥራት እንዲወገዱ ለማድረግ እና የመ/ቤቱን ንብረት ውጤታማነት ማረጋገጥ በሚያስችል መልኩ ጥቅም ላይ ማዋል አስፈላጊ ሆኖ በመገኘቱ፤
ይህን የባለስልጣኑን ዓላማ ተግባራዊ ለማድረግ የንብረት አወጋገድ አሠራርና አፈጻጸም በተመለከተ የባለስልጣኑን ሰራተኞች ተግባርና ኃላፊነት ለመወሰን እንዲሁም ፍትሃዊ አሠራርን ተግባራዊ ማድረግ ተገቢ ሆኖ በመገኘቱ፤
በአዲስ አበባ ከተማ አስተዳደር አስፈፃሚና የማዘጋጃ ቤት አገልግሎት አካላት እንደገና ማቋቋሚያ አዋጅ ቁጥር 35/2004 አንቀጽ 53 ንዑስ አንቀጽ 2 በተሰጠው ሥልጣን መሠረት ይህንን መመሪያ አውጥቷል፡፡
