የመንግሥት የልማት ድርጅቶች ብቁና ተወዳዳሪ ሆነው ለልማቱ አስተዋፅኦ እንዲያበረክቱና በልማት ስትራቴጂው የተቀመጠውን ዓላማ ለማሣካት ከግል ባለሀብት ጋር አብረው በመሥራት የእውቀትና የቴክኖለጂ ሽግግር እንዲያደርጉ በዚህም ምርታማነት ማሳደግ በማስፈለጉ፣
ሚኒስቴር መ/ቤቱ ከግሉ ባለሀብት ጋር የሚገው ሽርክና (ፓርትነርሺፕ) ግልጽነትን፤ ፍትሐዊነትንና ተቀባይነት ያለው ስርዓት በመዘርጋት የግሉን ዘርፍ አቅም ለልማት እንዲውል ለማበረታታት የሚያግዝ አሠራር መዘርጋት በማስፈለጉ፣
ሽርኪና ለማስገባት የሚደረግ ቅድመ ዝግጅቶችን፤ የሽርኪና የማወዳደርና የመምረጥ ሂደትና ከምስረታ በኋላ ያሉ የትግበራ፣ የአፈፃፀምና የክትትል ሥራዎችን በአግባቡ ለመምራት የሚያስችል ግልጽ አሠራር መዘርጋት አስፈላጊ ሆኖ በመገኘቱ፤
የመንግሥት ልማት ድርጅቶች ሚኒስቴር በኢትዮጵያ ፌዴራላዊ ዴሞክራሲያዊ ሪፐብሊክ የአስፈፃሚ አካላትን ሥልጣንና ተግባር ለመወሰን በወጣው አዋጅ ቁጥር 916 /2008 እና የመንግሥት የልማት ድርጅቶችን ወደ ግል ለማዛወር የወጣ አዋጅ ቁጥር 146/1991 አንቀጽ 22 ንዑስ አንቀጽ 2 በተለጠው ሥልጣን መሠረት ይህንን መመሪያ አውጥቷል፡፡
