የመንግሥት የልማት ድርጅቶችን ወደ ግል ይዞታ ለማዛወር በድርድር የሚፈጸም ሽያጭ ከፕራይቬታይዜሽን ስልቶች አንዱ ስለሆነ ወደ ግል ይዞታ የሚተላለፉ የልማት ድርጅቶች የአፈፃፀም ሥርዓት በግልጽነት መርህ ላይ የተመሰረተ መሆን እንደሚገባው የተደነገገ በመሆኑ፤
ወጥ የሆነ የመንግሥትን መብትና ጥቅም ለማስከበር የሚያስችል በግልጽነትና በተጠያቅነት መንፈስ የሽያጭ ድርደሩን ሂደት ለማስኬድ የሚያግዝ የአፈፃፀም መመሪያ ማውጣት አስፈላጊ ሆኖ በመገኘቱ፤
የመንግሥት ልማት ድርጅቶች ሚኒስቴር በኢትዮጵያ ፌዴራላዊ ዲሞክራሲያዊ ሪፐብሊክ የአስፈፃሚ አካላትን ሥልጣንና ተግባር ለመወሰን በወጣው አዋጅ ቁጥር 916 /2008 አንቀጽ 31 (ለ)(9) በተሰጠው ሥልጣን መሠረት ይህንን መመሪያ አውጥቷል፡፡
