የንግድ ስምምነት ለማይመለከታቸው የገቢና ወጪ ዕቃዎች የሥሪት አገር ለመወሰን፣ ዕቃዎች ላይ የተጣለውን የጉምሩክ ቀረጥና ታክስ ለማስከፈል፣ ለሥሪት አገር ምልክቶች እና መለያዎች አጠቃቀም፣ የአገር ውስጥ ኢንዱስትሪዎች ፍትሀዊ ያልሆነ ውድድር እንዳይደርስባቸው ተገቢውን ከለላ ለማድረግ፣ የገቢና ወጪ የንግድ ዕቃዎች ስታትስቲካዊ መረጃ ለመያዝ በማስፈለጉ፣ በጉምሩክ አዋጅ በተደነገገው መሠረት ወደ አገር የሚገቡ ዕቃዎች ወይም የእነዚህ ዕቃዎች ማሸጊያ የተሠሩበትን አገር የሚያስረዳ መግለጫ አሠራር የሚመለከት ዝርዝር መመሪያ ማውጣት በማስፈለጉ፤

የባለሥልጣኑ የሥራ ክፍሎች እና ሠራተኞች ተግባርና ኃላፊነት እንዲሁም የአስመጪዎችና ላኪዎች መብቶችና ግዴታዎችን በግልጽ ማስቀመጥ በማስፈለጉ፤

በጉምሩክ አዋጅ ቁጥር 859/2006 አንቀጽ 107 ንዑስ አንቀጽ (4) እንዲሁም በአንቀጽ 180 ንዑስ አንቀጽ (2) በተሰጠው ሥልጣን መሠረት ይህንን መመሪያ አውጥቷል።