የካፒታል ገበያ አዋጅ ቁጥር 1248/2013 የኢትዮጵያ የሰነደ ሙዓለ ንዋዮች ገበያ በአክሲዮን ማህበር መልክ እንደሚቋቋም እና በሚቋቋምበት ጊዜ አሰራሩን በተመለከተ ባለሥልጣኑ በመመሪያ እንዲያወጣ ሥልጣን የተሰጠው በመሆኑ፤

የሌሎች የሰነደ ሙዓለ ንዋዮች ገበያዎች፣ የተዛማጅ ውሎች ገበያዎች እና ያልተማከለ የጠረጴዛ ዙሪያ ገበያዎች የፈቃድ እና የአሠራር መስፈርቶችን መመሪያ በማውጣት መወሰን አስፈላጊ በመሆኑ፤

የኢንቨስተሮችን ጥቅም ለመጠበቅ፣ የገበያውን ተአማኒነት ለማረጋገጥ እና የኢትዮጵያን የካፒታል ገበያ እድገት ለማበረታታት ሥርዓት ያለው፣ ፍትሃዊ፣ ቀልጣፋ እና ግልፅ ገበያ እንዲኖር ለማስቻል የቁጥጥር ማዕቀፍ ማዘጋጀት አስፈላጊ ሆኖ በመገኘቱ፤

ይህ መመሪያ በካፒታል ገበያ አዋጁ ቁጥር 1248/2013 አንቀጽ 31(5)፣ አንቀጽ 32(2) እና አንቀጽ 108 (2) መሠረት ወጥቷል፡፡