በአገሪቱ ለሚገኙ አምራችና አገልግሎት ሰጭ ኢንዱስትሪዎች ተወዳዳሪነትና ለአገር እድገት የደረጃ ዝግጅት ስራ ወሳኝ ሆኖ በመገኘቱ፤
ደረጃዎች የሚዘጋጁት ከተለያዩ ተቋማት በተወጣጡ የቴክኒክ ኮሚቴ አባላት መሆኑንና የኢትዮጵያ የደረጃዎች ኤጀንሲ ይህንን ሂደት በሴክሬታሪያትነት የሚመራና የሚያስተባብር መሆኑን በመገንዘብ፤
በዚህ የደረጃ ዝግጅት ሂደት የቴክኒክ ኮሚቴ አባላት ሙያዊ አስተዋፅኦ ወሳኝነት፣ ከመደበኛ ሥራቸው በተጨማሪነት የሚሰሩት መሆኑንና ከእውቀት ከክሎትና ልምድ በተጨማሪ ትኩረትና ከፍተኛ ጥንቃቄ የሚጠይቅ መሆኑን ግምት ውስጥ በማስገባት፤
በአንፃሩ ባለሙያዎች ከየመጡበት ተቋም ለዚህ ሥራ ክፍያ የሚፈጸምበት አሠራርና ዝግጁነት ገና ያልተፈጠረ በመሆኑ፣ ይህን ክፍተት ለመሙላት መንግሥት የማትጊያ ድጋፍ ማድረግ እንደሚያስፈልገው በመረዳትና ቀደም ብሎ ይሰራበት የነበረው መመሪያ አሁን ካለው ወቅታዊ ሁኔታ እንዲጣጣም ማድረግ በማስፈለጉ፤
የኢትዮጵያ የደረጃዎች ኤጀንሲ በሚኒስትሮች ምክር ቤት ደንብ ቁጥር 193/2003 አንቀጽ 6 ንዑስ አንቀጽ 4 እና በአንቀጽ 9 ንዑስ አንቀጽ 5 መሠረት ይህን የማትጊያ መመሪያ አውጥቷል፡፡
