ይህን መመሪያ ማውጣት ያስፈለገበት ምክንያት በአዋጅ ቁጥር 923/2008 አንቊዕ 62 ላይ ለሥራ ወደ ውጭ አገር ለሚሄድ ማንኛውም ሠራተኛ አሰሪው የሕይወትና የአካል ጉዳት ካሳ የመድህን ሽፋን በአገር ውስጥ የመግባት ግዴታ እንዳለበት በመደንገጉ ለሥራ ወደ ውጪ አገር የሚሄዱ ዜጎች በስራ ላይ ሊደርስባቸው ለሚችል ኢኮኖሚያዊ፣ ማኅበራዊና አካላዊ ጉዳት እና ጥቃት ተገቢው ጥበቃ እንዲኖራቸው ለማድረግ ነው፡፡
በዚሁ መሠረት ለስራ ወደ ውጭ አገር ለሚሄድ ማንኛውም ኢትዮጵያዊ ሠራተኛ አሰሪው በአገር ውስጥ የሕይወትና የአካል ጉዳት ካሳ ኢንሹራንስ ለመግባት በሚያደርገው እንቅስቃሴ በመድህን ሥራ አዋጅ ቁጥር 746/2004 መሠረት ከብሔራዊ ባንክ ፍቃድ በማውጣት እየሰሩ የሚገኙ የኢንሹራንስ ድርጅቶች ግልጽነትና ፍትሃዊነትን በተከተለ አግባብ ተሳታፊ የሚሆኑበትን አሠራር ለመዘርጋት ይህ የአፈጻጸም መመሪያ እንዲወጣ ተደርጓል፡፡
