የአዲስ አበባ ከተማ አስተዳደር የመንግሥት ሠራተኞች የዲስፕሊን አፈፃፀምና ቅሬታ አቀራረብ ደንብ ቁጥር 26/2002 በአንቀጽ 5(14) እንደ መስሪያቱ የሞያና የስራ ስነ-ምግባር መሠረት የተከለከሉ ድርጊቶችን መፈፀም በዲሲፕሊን ሊያስጠይቅ እንደሚችል የተገለፀ በመሆኑ፣
በከተማችን ውስጥ የሚከናወኑ የትራፊክ ቁጥጥር ስራዎች ስረዓት ባለው መልኩ እንዲፈፀሙ ከቁጥጥር ባለሙያዎች ከሌሎች የመንግሥት ተቀጣሪ ሠራተኞች በተለየ ሁኔታ የሚጠበቁ ግዴታዎችና የስነ-ምግባር ሁኔታዎችን ያሉ በመሆኑ እነዚህን ከሙያው የተለየ ባህሪ አንፃር ከትራፊክ ቁጥጥር ሰራተኞች የሚጠበቁ ተጨማሪ የስነ ምግባር ግዴታዎች በሕግ መወሰን አስፈላጊ ሆኖ በመገኘቱ፣
የአዲስ አበባ ከተማ አስተዳደር ትራፊክ ማኔጅመንት ኤጀንሲ በአዲስ አበባ ከተማ አስተዳደር የከተማ አስተዳደሩን አስፈፃሚ አካላት እንደገና ለማደራጀት እና ሥልጣንና ተግባራቸውን ለመወሰን በወጣው በአዋጅ ቁጥር 64/2011 አንቀጽ 15 ንዑስ አንቀጽ 3(ሠ) መሠረት በተሰጠው ሥልጣን መሠረት ይህን በትራፊክ ቁጥጥር ስራ ከሚሰማሩ ሠራተኞች የሚጠበቅ ስነ-ምግባርን የሚወሰን መመሪያ አውጥቷል፡፡
