የፌዴራል አስፈጻሚ አካላት አደረጃጀት የአስር ዓመት የልማት ዕቅድን ሊያሳካ በሚያስችል መልኩ፣ በመንግሥት የተነደፉ የልማትና የብልፅግና ግቦች በውጤታማነት ለማሳከት፣ ውጤታማ የሀብት አጠቃቀምን ለማረጋገጥ፣ ጠንካራና መፈፀም የሚችል የመንግሥት ቢሮክራሲ ለመፍጠር በሚያስችል መልኩ እንደገና እንዲደራጅ የተደረገ በመሆኑ፣
ይህንን አደረጃጀትን ተከትሎ በሚደራጁ የፌዴራል መንግሥት መስሪያ ቤቶች የሰው ኃይል ድልድልን በግልጽነትና በፍትሃዊነት ለማከናውን እንዲቻል፣ ብቃትን መሠረት ያደረገ የሰው ሀብት ስምሪት የሚደረግበትን ስርዓት በመመሪያ መደንገግ አስፈላጊ ሆኖ በመገኘቱ፣
የአውንታዊ ድጋፍ ለሚመለከታቸው አካላት ተገቢውን ትኩረት በመስጠት በውድድሩ የሚበረታቱበትን ሁኔታ ተሳቢ ባደረገ መልኩ የስራ ስምሪት ለማድግ የሚያስችል ስርዓት መዘርጋት አስፈላጊ ሆኖ በመገኘቱ፤
የኢፌዴሪ ሲቪል ሰርቪስ ኮሚሽን በፌዴራል የመንግሥት ሰራተኞች አዋጅ ቁጥር1064/2010 አንቀጽ 97 ንዑስ አንቀጽ (2) መሠረት ይህንን መመሪያ አውጥቷል፡፡
