በስብስብ ማዕከል ውስጥ አንድ ዓይነት ቅርስ ከሚፈለገው ቁጥር በላይ ከሆነ ወይም ድግግሞሽ መሆኑ ሲረጋገጥ ወይም በትክክለኛ ቦታው ያልተቀመጠ ከሆነ ወደ ሚመለከታቸው ተቋማት በመስጠት ወይም በመለዋወጥ ከስብስብ ክፍል ማስወጣት አስፈላጊ በመሆኑ፤
በጉዳታቸው ምክንያት መጠገን የማይችሉትን፣ በመበላሸታቸው የቅርስነት እሴታቸውን በማጣት ለሌሎች ቅርሶችና ሰዎች ደኅንነት አደገኛ መሆናቸው ሲረጋገጥ አንድን ቅርስ ወይም ስብስቦችን ከቅርስ ስብስብ ማዕከል በቋሚነት ማስወገድ አስፈላጊ በመሆኑ፤ ቅርስን ከስብስብ ማዛወርና ማስወገድ በተጠና ሥርዓትና ግልጽነት ባለው አሠራር መከናወን ያለበት በመሆኑ፤
በአዋጅ ቁጥር 209/1992 አንቀጽ 46 ንዑስ አንቀጽ 2 በተሰጠው ሥልጣን መሠረት የባህልና ቱሪዝም ሚኒስቴር ይህን መመሪያ አውጥቷል፡፡
