በማህበር መልክ መደራጀት ሣይኖርባቸው ገንዘባቸውንና ንብረታቸውን በመለገስ ለብቻቸው ወይም በተናጠል በመሆን በአደረጃጀቱ ያልተወሣሠበና ቀላል የአስተዳደር ስልትን የሚከተል የበጎ አራጎት ድርጅት ዓይነት በማቋቋም የበጎ አድራጎት ሥራ መሥራት የሚፈልጉ ሰዎችን መደገፍ፣ ማበረታታትና ለሥራቸውም ምቹ ሁኔታዎችን መፍጠር አስፈላጊ ሆኖ በመገኘቱ፤
የዘለቄታ የበጎ አድራጎት ድርጅት እና የአደራ የበጎ አድራጎት ድርጅትን ለማቋቋም መነሻ ገንዘብ ወይም ንብረት ለተወሰነ ወይም ላልተወሰነ ጊዜ መስጠት ሕግ የሚያስገድድ ሲሆን ይህንኑ አነስተኛ መነሻ የገንዘብ መጠን በሕግ መወሰን አስፈላጊ በመሆኑ፤
የበጐ አድራጐት ተቋም ከፈረሰ በኋላ የድርጅቱ ገንዘብና ንብረት ድርጅቱ ያሉበትን ወጪዎችና ዕዳዎች ለመሸፈን በቂ ሆኖ ካልተገኘ ወጪዎቹንና ዕዳዎቹን ለመክፈል የሚያስችል የዋስትና ገንዘብ ወይም ንብረት ድርጅቱ ሲቋቋም የድርጅቱ መሥራች አባላት ማስያዝ ስለሚኖርባቸው ይህንኑ አነስተኛ የዋስትና የገንዘብ መጠን በሕግ መወሰን አስፈላጊ ሆኖ በመገኘቱ፤
የበጐ አድራጐት ድርጅቶችና ማህበራት ኤጀንሲ በበጐ አድራጐት ድርጅቶችና ማህበራት አዋጅ ቁጥር 621/2001 በአንቀጽ 9 (4) እና አንቀጽ 28 (2) በተሰጠው ሥልጣን መሠረት ይህንን መመሪያ አውጥቷል፡፡
