ሴት ሠራተኞች በኢትዮጵያ የተፋጠነ የልማት እንቅስቃሴ ውስጥ ያላቸውን የተጠናከረ ተሳትፎ ከግንዛቤ በማስገባት በተለይም፤ በሥራ ላይ ሲሰማሩ ከተለያዩ አደጋዎችና በሥራ ምክንያት ከሚከሰቱ በሽታዎች እንዲጠበቁ ማድረግ፣ ከባድ ከሆኑ፣ ከፍተኛ ጉልበት ከሚጠይቁና አካላዊ ጉዳት ሊያስከትሉ ከሚችሉ የሥራ ሁኔታዎች መገደብ፣ እና ሴቶች እናት በመሆናቸው ፣ በተለይም ነፍሰ ጡር የሆኑና የሚያጠቡ ሴት ሠራተኞችን የሥነ ተዋልዶ ጤና ችግር ከሚያስከትሉና የፅንስን ተፈጥሮአዊ ዕድገት ከሚያዛቡ የሙያ ጠንቆች መከላከል አስፈላጊ ሆኖ በመገኘቱ፣ የኢ.ፌ.ዲ.ሪ.ን ህገመንግሥት መሠረት በማድረግ ሀገሪቱ ከምትመራበት የኢኮኖሚና የማኅበራዊ ፖሊሲዎች ጋር በማጣጣም፣ ከዓለም አቀፍ ስምምነቶች ጋር በማገናዘብ የአሠሪና ሠራተኛ ጉዳይ አዋጅ አፈፃፀምን ለማጐልበት ይቻል ዘንድ አግባብነት ካላቸው የመንግሥት አሰፈጻሚ አካላት፣ የአሠሪዎችና የሠራተኛ ወኪሎች ጋር ምክክር በማድረግ ይህ መመሪያ አወጥቷል፡፡
