ከውጭ በሚገቡ ነዳጅ እና የነዳጅ ውጤቶች ላይ ያለውን መተማመን መቀነስ እና የተስፋፋውን የንግድ ሚዛን መዛባት ለመቅረፍ በትራንስፖርት ውስጥ የአገር ውስጥ ታዳሽ የኃይል ሀብቶችን መጠቀም አስፈላጊ ሆኖ በመገኘቱ፤
በተለይም በከተሞች ውስጥ በሰው ልጅ ጤና ላይ ተጽዕኖ በሚያሳድር መልኩ በመንገድ ትራንስፖርት ውስጥ ከነዳጅ አጠቃቀም አኳያ የአየር ብክለትን መቀነስ አስፈላጊ በመሆኑ፤
ከትራንስፖርት የግሪንሀውስ ጋዝ ልቀት በመቀነስ የኢትዮጵያ የአየር ንብረት ቃል ኪዳንን ለማሟላት አስፈላጊ አካል በመሆኑ፤
ለመንገድ ትራንስፖርት የኤሌክትሪክ ተሽከርካሪዎችን ስራ ላይ ለማዋል ከላይ የተጠቀሱትን ተግዳሮቶች ለመቅረፍ አስተዋፅዖ የሚያደርግ ሲሆን የኤሌክትሪክ ተሽከርካሪዎችን ሰፋ ባለ መልኩ በማስገባት በኤሌክትሪክ ተሽከርካሪ የኃይል መሙያ ስርዓቶች መኖር እና ተደራሽነት ላይ የተመሠረተ በመሆኑ፤
በኤሌክትሪክ ተሸከርካሪ የሃይል ሙሌት መሰረተ- ልማት ተከላ እና አገልግሎት ንግድ ላይ ለመሰማራት ለሚፈልጉ ዝቅተኛ የፈቃድ መስፈርቶችን እና ደረጃን መወሰን አስፈላጊ ሆኖ በመገኘቱ፤
በኤሌክትሪክ ተሸከርካሪ የሃይል ሙሌት ጣቢያዎች እና ለኤሌክትሪክ ተሸከርካሪ ባለቤቶች ተመጣጣኝ የሃይል ሙሌት ታሪፍ ተመን ማውጣት በማስፈለጉ፤
የነዳጅ እና ኢነርጂ ባለሥልጣን በአዋጅ ቁጥር 810/2006 አንቀጽ 40(2) እና በሚኒስትሮች ምክር ቤት የኢነርጂ ደንብ ቁጥር 447/2011 አንቀጽ 82 በተሰጠው ሥልጣን መሠረት ይህ የኤሌክትሪክ ተሽከርካሪ የኃይል ሙሌት ስርዓት መመሪያ ተዘጋጅቶ ለዉሳኔ ቀርቧል፡፡
ይህ ረቂቅ መመሪያ ሲዘጋጅ አዲስ ዘርፍ ከመሆኑ አንፃር ጉዳዩን በመመርመር፣የቁጥጥር ስራዉን በማሻሻል የዘርፉን ልማት እንዲያሳድግ ታስቧል፡፡ በዚሁ መሠረት ረቂቅ መመሪያዉ 7 ክፍሎች ፣ 22 አንቀጾች እና ሁለት አባሪዎች ያሉት ሆኖ ተዘጋጅቷል፡፡