ተጎጂዎችን ስለማዳን፣ ስለመመለስ፣ መልሶ ስለማቋቋም፣ ልዩ ልዩ ድጋፍ ስለሚያገኙበትና ከህብረተሰቡ ጋር ሊቀላቀሉ ስለሚችሉበት ሁኔታ ያለው አሠራር ግልጽነት የሚጎድለው፣ ሰፊ ክፍተት ያለበት እና ቅንጅታዊ አሠራርን ያልተከተለ በመሆኑ፤

ተጎጂዎችን በማዳን፣ በመመለስ፣ መልሶ በማቋቋም፣ ልዩ ልዩ ድጋፍ በማድረግና ከህብረተሰቡ ጋር በማቀላቀል ሂደት ተሳታፊ የሆኑ ባለድርሻ አካላትን እና የሚኖራቸውን ሚና በግልጽ መለየት እና ዝርዝር አሰራራቸውን መወሰን በማስፈለጉ፤

ተጎጂዎችን በማዳን፣ በመመለስ፣ መልሶ በማቋቋም፣ ልዩ ልዩ ድጋፍ ስለሚያገኙበት፣ ከህብረተሰቡ ጋር ሊቀላቀሉ ስለሚችሉበት ሁኔታ እና ተያያዥ ጉዳዮችን በተመለከተ በባለድርሻ አካላት መካከል የሚኖረውን የተጎጅዎች የቅብብሎሽ ሥርዓት እና የቅብብሎሽ ሥርዓቱ የሚሸፍናቸውን ጉዳዮች በዝርዝር መወሰን በማስፈለጉ፤

ብሔራዊ ምክር ቤቱ በሰዎች የመነገድ እና ሰውን በህገ-ወጥ መንገድ ድንበር የማሻገር ወንጀልን ለመከላከል እና ለመቆጣጠር በወጣው አዋጅ ቁጥር 1178/2012 አንቀጽ 34 (2) መሠረት ይህን መመሪያ አውጥቷል፡፡