መመሪያዎች ከመውጣታቸው በፊት በአስተዳደር ሥነ-ሥርዓት አዋጁ ላይ የመመሪያዎች አወጣጥ ሂደትን አስመልክቶ አግባብነት ያላቸው ድንጋጌዎችን ተከትለው የወጡ ስለመሆናቸው ለማረጋገጥ የሚያስችል ሥርዓት መዘርጋት አስፈላጊ ሆኖ በመገኘቱ፤
የኢፌዲሪ ፍትሕ ሚኒስቴር በመንግሥት ተቋማት የሚዘጋጁ ረቂቅ መመሪያዎች ሲዘጋጁ ወጥነትን ባረጋገጠ መልኩ መዘጋጀታቸውን፣ ከሕግ አረቃቀቅ መርሆዎች ጋር የተጣጣሙ መሆኑን፣ የይዘት እና የቅርጽ ችግር የሌለባቸው ስለመሆኑ እና ከሌሎች መሰል መስፈርቶች ጋር የተጣጣሙ መሆኑን ለማረጋገጥ በሚያስችል ሁኔታ ረቂቅ መመሪያዎች ስለሚቀርቡበት እና ስለሚመረመሩበት አግባብ ሥርዓት መዘርጋት አስፈላጊ በመሆኑ፤
መመሪያዎች ከጸደቁ በኋላ የሚመዘገቡበት እና ለተጠቃሚው ማኅበረሰብ ተደራሽ የሚደረጉበትን ሥርዓት በግልፅ መደንገግ አስፈላጊ ሆኖ በመገኘቱ የፍትሕ ሚኒስቴር በአዋጅ ቁጥር 943/2008 አንቀጽ 21(2) መሠረት ይህን መመሪያ አውጥቷል፡፡
