በኢትዮጵያ በተፈጥሯዊና ሰው ሰራሽ በሆኑ ምክንያቶች ለችግር የተጋለጡና በተለያዩ አማራጭ የሕፃናት ድጋፍና ክብካቤ የሚያስፈልጋቸው ሕፃናት ቁጥር ከጊዜ ወደ ጊዜ እየጨመረ በመምጣቱ ለእነዚህ ሕፃናት ደረጃውን የጠበቀና ሁሉን አቀፍ የሕፃናት ድጋፍና ክብካቤ ዘዴዎች ማመቻቸት አስፈላጊ ሆኖ በመገኘቱ፣
አሁን በስራ ላይ የሚገኙ አማራጭ የድጋፍና ክብካቤ ዘዴዎች በተለያዩ ሰነዶች ውስጥ ተካተው የሚገኙ በመሆናቸው ለአስፈጻሚ አካላት ለአፈጻጸም አስቸጋሪ ከመሆናቸውም በላይ የሕግ አስገዳጅነት የሌላቸው በመሆናቸው አንድ ወጥ የሆነና አስገዳጅነት ያለው የሕግ ማዕቀፍ ማዘጋጀት አስፈላጊ ሆኖ በመገኘቱ፣
የሴቶችና ማኅበራዊ ጉዳይ ሚኒስቴር ለፌዴራል የመንግሥት አስፈጻሚ አካላት ሥልጣንና ተግባር ለመወሰን በወጣው አዋጅ ቁጥር 1263/2014 አንቀጽ 19 (4) እንዲሁም አንቀጽ 36 (አ) እና (ኸ) በተሰጠው ሕግ የማመንጨትና የማስፈጸም ሥልጣን መሠረት ደረጃውን የጠበቀ አማራጭ የሕፃናት ድጋፍና ክብካቤ አገልግሎት አሰጣጥ እንዲኖር ይህን መመሪያ አውጥቷል።
