ከማዕድን ምርመራ እና ማምረት ሥራ ባለፈቃድ የሚሰበሰበው የማኅበረሰብ ልማት ፈንድ ሥራ ላይ የሚውልበትን አግባብ እንዲሁም በፈቃድ ክልሉ የሚኖረው ማኅበረሰብ ተጠቃሚ መሆን እንዳለበት መወሰን አስፈላጊ ሆኖ በመገኘቱ ፤
የማዕድን ምርመራ እና ማምረት ሥራ ባለፈቃዶች የማኅበረሰብ ልማት ላይ በመሳተፍ የማኅበራዊ ግዴታቸውን በአግባብቡ መወጣት እንዲችሉ ግልጽና ተገማች ሥርዓት መዘርጋት በማስፈለጉ ፤ የማዕድንና የነዳጅ ሚኒስቴር በማዕድን ሥራዎች አዋጅ ቁጥር 678/2002 በአዋጅ ቁጥር 816/2006 እንደተሻሻለው) አንቀጽ 82 (2) እንዲሁም በማዕድን ሥራዎች የሚኒስትሮች ምክር ቤት ደንብ ቁጥር 423/2010 አንቀጽ 41 በተሰጠው ሥልጣን መሠረት ይህንን መመሪያ አውጥቷል።
