በገቢና ወጪ ዕቃዎች ላይ በሚደረግ ፍተሻና ቁጥጥር ምክንያት የሚባክነውን ጊዜ ለመቆጠብ፣ በዕቃዎች ላይ የሚደርሰውን ጉዳት ለማስቀረትና ቁጥጥሩን በአስተማማኝ ሁኔታ ማከናወን የሚያስችል በዕቃ መፈተሻ መሳሪያ በመጠቀም አካላዊ ፍተሻ የሚቀንስበትን ሁኔታ መወሰን በማስፈለጉ፣

በጉምሩክ ትራንዚት ሂደት ላይ ያሉና ወደ ጉምሩክ መጋዘን የገቡ ዕቃዎች ቅድሚያ ተሰጥቷቸው የጉምሩክ ሥነ ሥርዓት የሚፈጸምባቸውን እቃዎች ዓይነት መወሰን በማስፈለጉ፣

ዕቃዎችን በጉምሩክ ትራንዚት ጉዞ ወቅትና ከጉምሩክ ቁጥጥር ለነጻ ዝውውር ከሚለቀቅበት አሠራር ጋር ተያይዞ ሊፈጠር የሚችለውን ተገቢ ያልሆነ የአገልግሎት መጓተት ለማስተካከል ፈጣንና ቀልጣፋ የሆነ አገልግሎት መስጠት የሚያስችል ሥርዓት መዘርጋት በማስፈለጉ፣

የገቢዎች ሚኒስቴር በጉምሩክ አዋጅ ቁጥር 859/2006 አንቀጽ 23/8 እና አንቀጽ 180(1) መሠረት ይህንን መመሪያ አውጥቷል፡፡