በአዲስ አበባ ከተማ የትራፊክ እንቅስቃሴን በመግታት በተለያዩ ህጋዊ ባልሆኑ ምክንያቶች ተሸከርካሪዎችን በማቆም የትራፊክ እንቅስቃሴ መስተጓጎልን ለመቆጣጠር የአፈፃፀም መመሪያ ማውጣት በማስፈለጉ፣
ተሸከርካሪዎች የሚነሱበትን አግባብ፣ ሲነሱ ሊወሰድ የሚገባውን ጥንቃቄ እና የተነሱ ተሸከርካሪዎች ሊመለሱ የሚችሉበትን አሠራር በሕግ መወሰን አስፈላጊ በመሆኑ፣
የአዲስ አበባ አስተዳደር ትራፊክ ማኔጅመንት የአዲስ አበባ ከተማ አስተዳደር የአስፈፃሚ አካላትን እንደገና ለማደራጀትና ሥልጣንና ተግባራቸውን ለመወሰን በወጣው አዋጅ ቁጥር 64/2011 አንቀጽ 15 ንዑስ አንቀጽ 3 (ሠ) በተሰጠው ሥልጣን መሠረት ይህንን መመሪያ አውጥቷል፡፡
