የአዲስ አበባ ውኃና ፍሳሽ ባለሥልጣን በአዋጅ በተሰጠው ሥልጣንና ተግባር ኃላፊነቱን በአግባቡ ለመወጣት በየጊዜው እያደገ የመጣውን የደንበኛውን የንፁህ መጠጥ ውኃ ፍላጎት ለማርካትና የፍሳሽ አወጋገድ ስርዓቱን በማሻሻል ፈጣንና ቀልጣፋ አገልግሎት ለመስጠት ከሚያከናውናቸው ዘርፈ ብዙ ሥራዎች መካከል ዋንኞቹ የደንበኞች የውሃና የፍሳሽ መስመር ቅጥያ ሥራዎች ሲሆኑ በእነዚህ ሥራዎች ደንበኛው አገልግሎት ለማግኘት ከባለሥልጣኑ ጋር የሚዋዋለው ውል እና ከዚሁ ጋር ተያያዥ የሆኑ ሠነዶች የሚቀመጡበት የውል ማህደሮች በጥንቃቄ በተገቢው ቦታ መቀመጣቸው ለባለስልጣኑ የስራ አሠራርም ሆነ ለደንበኞች ቀልጣፋ እና ተገቢውን ምላሽና ማስረጃ ለመስጠት እንደሚረዳ በመታመኑ

አዲስ ቅጥያ፣ ማዛወሪያ፣ ማሻሻያና የፍሳሽ መስመር ቅጥያ እና ሌሎች ተያያዥ መረጃዎች በጥንቃቄ በውል መዝገብ ቤት በየውል ቁጥራቸው ቅደም ተከተል ፋይል ተደርገው በተፈለጉ ጊዜ በቀላሉ ለማውጣትና ለባለስልጣኑም ሆነ ለደንበኛው ትክክለኛ የመረጃ ምንጭ በመሆን እንዲያገለግል ለማስቻል ዘመናዊ የመረጃ አያያዝ ሥርዓት ለመዘርጋት፣ የተሟላና ምቹ የሆነ የደንበኞች አገልግሎት መዝገብ ቤት አጠቃቀም ሥርዓት መኖር የጎላ ድርሻ ያለው በመሆኑ፡፡

የደንበኞችን መረጃ ደኅንነት ለመጠበቅ ከውል መዝገብ ቤት መረጃዎችን ለማውጣት የሚችል እነማን እንደሆኑ፣ ለምን ያህል ጊዜ በእጃቸው ማቆየት እንዳለባቸውና መቼ ለውል መዝገብ ቤት መመለስ እንዳላበቸው በዝርዝር የሚገልፅ ወጥነት ያለው የአሠራር ሥርዓት መዘርጋት ያለበት መሆኑ ስለታመነ፤

በአዲስ አበባ ከተማ አስተዳደር አስፈፃሚና የማዘጋጃ ቤት አገልግሎት አካላት እንደገና ማቋቋሚያ አዋጅ ቁጥር 35/2004 አንቀጽ 53 ንዑስ አንቀጽ 2 በተሰጠው ሥልጣን መሠረት ይህንን መመሪያ አውጥቷል፡፡