የካፒታል ገበያ አገልግሎት ሰጪዎች ሥራቸውን ለማካሄድ እንዲያስችላቸው ውጤታማ የሆነ የፈቃድ አሰጣጥ እና የቁጥጥር ስርዓት እንዲኖር የሚያደርግ የሕግ ማዕቀፍ አስፈላጊ ሆኖ በመገኘቱ፤

ለአገልግሎት ሰጪዎች ዝርዝር የፈቃድ አሰጣጥና የቁጥጥር ማዕቀፍ ማውጣት ኢንቨተሮችን ለመጠበቅ እና ፍትሐዊ እና ግልጽ የሆነ ገበያ ለመፍጠር የሚያስፈልግ በመሆኑ፤

የተለያዩ የካፒታል ገበያ አገልግሎት ፈቃድ አይነቶችን ሥራቸውን፣ የተፈቀዱላቸውን ተግባራትን እና ተያያዥነት ያላቸውን የስነምግባርና የአስተዳደር መርሆዎችን መደንገግ አስፈላጊ ሆኖ በመገኘቱ፤

የኢትዮጵያ የካፒታል ገበያ ባለሥልጣን በካፒታል ገበያ አዋጅ ቁጥር 1248/2013 አንቀጽ 55(1) (ቀ)፣ አንቀጽ 55 (9) ፣ አንቀጽ 55(10) ፣ አንቀጽ 58(1) (ሐ) እና 108 (2) መሠረት የሚከተለውን የካፒታል ገበያ አገልግሎት ሰጪዎች ፈቃድና ቁጥጥር መመሪያ አውጥቷል።