የብሔራዊ ሎተሪ አስተዳደርን እንደገና ለማቋቋም በወጣው ደንብ ቁጥር 160/2001 መሠረት የሎተሪ ሥራን የማካሄድ የማስተዳደርና የመቆጣጠር እንዲሁም በሕግና በስርዓት እንዲመራ የማድረግ ሥልጣን ለአስተዳደሩ የተሰጠው በመሆኑ፡፡ ቀደም ሲል በሥራ ላይየነበረው መመሪያ ቁጥር 43/2002 የደንበኞችን ፍላጎት መሠረት ባደረገ መልኩ እና አገራችን የደረሰችበትን የቴክኖሎጂ ዕድገት ግምት ውስጥ በማስገባት መሻሻል እንዳለበት በመታመኑ በአስተዳደሩ የእንደገና ማቋቋሚያ ደንብ ቁጥር 160/2001 አንቀጽ 21 መሠረት የኢትዮጵያ ገቢዎችና ጉምሩክ ባለሥልጣን ደንቡን ለማስፈፀም የሚያስፈልጉ መመሪያዎችን ማውጣት እንደሚችል የተገለፀ በመሆኑ ይህንን የተሻሻለ የቶምቦላ ወይም ራፍል ዝግጅት ፈቃድ መመሪያ አውጥቷል፣
