በወጪና ገቢ እቃዎች ማጓጓዝ ሂደት የሚፈፀሙትን ወንጀሎች ለመቆጣጠር እንዲያስችል የኤሌክትሮኒክስ የጭነት መቆጣጠሪያ መሳሪያዎችን ለመጠቀም አስገዳጅ መመሪያ መውጣቱን ተከትሎ በመመሪያው የተቀመጠው የካፒታል መጠን ለአቅራቢነት የሚያመለክቱ የአገር ውስጥ ባለሀብቶች የአቅም ውስንነት በመታየቱ፤
የአገራችንን ነባራዊ ሁኔታ ከግምት በማስገባት እና በዘርፉ ፍትሐዊ የንግድ ውድድር እንዲኖር በማስቻል ለአቅራቢነት የሚያመለክቱ ፍላጐቱ ያላቸውን ሁሉ ያማከለ እና አሳታፊ እንዲሆን መመሪያውን ማሻሻል በማስፈለጉ፤
የኢትዮጵያ ገቢዎችና ጉምሩክ ባለሥልጣን በአዋጅ ቁጥር 587/2ዐዐዐ አንቀጽ 20(2) በአዋጅ ቁጥር 622/2ዐዐ1 አንቀጽ 112 (2) እና አንቀጽ 1ዐ7 በተሰጠው ሥልጣን መሠረት ይህንን መመሪያ አውጥቷል፡፡
