የአዲስ አበባ ከተማ መንገዶች ባለሥልጣን አዲሱን አደረጃጀት መነሻ በማድረግ እና ነባሩን የሥራ መሪዎች መተዳደሪያ መመሪያ ከአዲሱ አደረጃጀት ጋር ማጣጣም በማስፈለጉ እንዲሁም ነባሩ የሥራ መሪዎች መተዳደሪያ መመሪያ በዲሲኘሊን አወሳሰን ላይ ያላካተታቸው ጉዳዮች በመኖራቸው በአፈፃፀም ላይ ችግር በማስከተሉና ወቅታዊ ሁኔታን ባገናዘበ መልኩ ለጥቅማጥቅም ጥያቄዎች ተገቢውን ምላሽ መስጠት አስፈሊጊ በመሆኑ፣

የሥራ መሪዎች የመንግሥትን የልማት አቅጣጫ መሠረት አድርገው በከተማ ደረጃ ሊኖር የሚገባውን የመንገድ መሰረተ ልማት ሥራ በመምራት ምርታማና ውጤታማ እንዲሆኑ እና መብታቸውንና ግዴታቸውን በግልጽ አውቀው ኃላፊነታቸውን እንዲወጡ ወቅታዊ ሁኔታዎችን ያገናዘበ እና ለአሠራር አመቺ የሆነ መተዳደሪያ መመሪያ አዘጋጅቶ ተግባራዊ ማድረግ አስፈላጊ በመሆኑ፣

በአዱስ አበባ ከተማ መንገድች ባለሥልጣን ማቋቋሚያ መመሪያ ቁጥር 7/1990 አንቀጽ 18 ንዐስ አንቀጽ 1(ቀ) በተሰጠው ሥልጣን መሠረት የባለስልጣኑ ዋና ዳይሬክተር ይህን የሥራ መሪዎች መተዳደሪያ መመሪያ አዘጋጅቶ አቅርቧል፡፡