የአዲስ አበባ ከተማ መንገድች ባለሥልጣን በደንብ ቁጥር 7/1990 አንቀጽ 7 የተሰጠውን ሥልጣንና ተግባር በአግባቡ ሥራ ሊይ ለማዋል አዲሱን አደረጃጀት መሠረት ያደረገ ብቃት ያለው የሰው ኃይል በሚፈለገው ቁጥር ያስፈልገዋል፡፡

ባለስልጣኑ በአዱሱ አደረጃጀት መሠረት የሚያስፈልገውን የሰው ኃይል ለመሳብ፣ ለማለማት፣ ለማቆየት እና ጥቅም ላይ ለማዋል ከሚያስችል አደረጃጀቶች እና የአሠራር ስርዓቶች አንደና ዋነኛው ግልፅ እና አሳታፊ የሆነ የሰው ሃብት ሥራ አመራርና ልማት ሥርዓት መዘርጋት በመሆኑ፤

ቀደም ሲል የነበረውን የሰው ሃብት አስተዳደር መመሪያ በመከለስ የባለስልጣኑን የሰው ሃብት የአሠራር ስርዓት ወጥ በሆነ መልኩ ለመምራት የሚያስችል የተሟላና ውጤታማ የሰው ሃብት ሥራ አመራርና ልማት ለማስፈን እዲቻል የባለስልጣኑ ዋና ዳይሬክተር በባለስልጣኑ ማቋቋሚያ ደንብ ቁጥር 7/1990 አንቀ 18 ንዑስ አንቀጽ 1 (ቀ) በተሰጠው ሥልጣን መሠረት ይህን የአዲስ አበባ ከተማ መንገዶች ባለሥልጣን የሰው ሃብት ሥራ አመራርና ልማት መመሪያ አዘጋጅቶ አቅርቧል፡፡