በአዲስ አበባ ከተማ አስተዳደር ጤና ቢሮ የሚካሄዱ ሥልጠናዎች ወይም አውደ ጥናት ወይም ስብሰባዎች ወይም የመስክ ሥራዎች የዕቅድ አፈፃፀም ከማሻሻል አንፃር እያስገኙ ያለውን ጠቀሜታ በተደራጀ መልኩ ማቅረብ አስፈላጊ እና ወጥነት ያለው ስርዓት መዘርጋት በማስፈለጉ፣ ለተፈፀመ ክፍያ ሁሉ ተመጣጣኝ አገልግሎት መገኘት ስላለበት እና ለዚህም ወጥ የሆነ ማስፈፀሚያ መመሪያ ማውጣቱ አስፈላጊ ሆኖ በመገኘቱ፤
ለሚካሄዱ ሥልጠናዎች ወይም አውደ ጥናቶች ወይም ስብሰባዎች ወይም ሥራዎች በመንግሥት የወጡ አዋጆች፣ መመሪያዎች ማዕከል በማድረግ ጠንካራ የውስጥ ቁጥጥር ስርዓት በመዘርጋት ሥራንና ወጪን አጣጥሞ ማስኬድ አስፈላጊ ሆኖ በመገኘቱ፣
የአዲስ አበባ ከተማ አስተዳደር አሰፈፃሚ እና የማዘጋጃ ቤት አገልግሎት አካላትን ሥልጣንና ተግባር ለመወሰን በወጣው አዋጅ ቁጠር 35/2ዐዐ4 አንቀጽ 9/2/ መሠረት ይህ የውስጥ አሠራር ስርዓት መመሪያ እንደሚከተለው ወጥቷል ::
