ለባሕል ቅርሶች ፕሮጀክት ማስፈፀሚያ የሚውል መጠኑ ኤስ‧ዲ‧አር· 4,100,000 ሚሊዮን (አራት ሚሊዮን አንድ መቶ ሺህ ኤስዲ‧አር) የሆነ ገንዘብ የሚያስገኘው የብድር ስምምነት በኢትዮጵያ ፌዴራላዊ ዲሞክራሲያዊ ሪፐብሊክ እና በዓለም አቀፍ የልማት ማኅበር መካከል እኤአ ኤፕሪል 25 ቀን 2002 በዋሽንግተን ዲሲ የተፈረመ በመሆኑ፣ መሠረታዊ የኢኮኖሚ ዓለም አቀፍ ውሎች ተፈፃሚ ከመሆናቸው በፊት መፅደቅ ስላለባቸው፣

ይህንኑ የብድር ስምምነት የኢትዮጵያ ፌዴራላዊ ዲሞክራሲያዊ ሪፐብሊክ የሕዝብ ተወካዮች ምክር ቤት ጥቅምት 10 ቀን 1995 ዓም ባደረገው ስብሰባ ያፀደቀው ስለሆነ፣

በሕገ መንግሥቱ አንቀጽ 55 ንዑስ አንቀጽ (1) እና (12) መሠረት የሚከተለው ታውጇል።